إخوتي وأخواتي في الله
السلام عليكم ورحمة الله وبركاته
بسم الله الرحمن الرحيم
(وقال ربكم ادعوني استجب لكم )
وقال صلى الله عليه وسلم : { ليس من شئ أكرم على الله تعالى من الدعاء }.
والموضوع ده بإذن الله عايزينه يكون عبارة عن
دعاء لبعض
هندعي لبعض ومحدش هيبقى عارف هو بيدعي لمين
فكرة الموضوع
كل واحد فينا هيدخل ويكتب دعاء لأخيه أو اخته المسلمة اللي بعده واللي طبعا ميعرفوش أو ميعرفهاش مين
واللي هيدخل بعدك هيفوز بالدعاء ويدعي للي وراه
ومننساش نشكر بعض
( من لم يشكر الناس لم يشكر الله )
طبعا إحنا أستفدنا كتير من بعض في موضوعات علمية وغيرها وغيرها
عايزين بقى نستفيد بدعاء خالص لوجه الله تعالي
وبرضه إحنا الكسبانين زي ما هتدعي هتدخل تلحق دعوة من غيرك
يمكن تنفعك يوم تقلب القلوب والأبصار
وكمان الملايكة هتؤمن علي دعائك وتقولك ولك مثله
يعني كسبان في الحالتين
وكمان عايزين نجتمع علي طاعة
من فوائد الدعاء لأخيك المسلم
سبب لتفريج الهموم
سبب لتيسير الأمور
سبب لتعميق السعادة والأخوة
الملائكة تؤمن علي دعائك
وتدعي لك بمثله
وقال تعالى لنبيه محمد صلى الله عليه وسلم: {وَاسْتَغْفِرْلِذَنبِكَ وَلِلْمُؤْمِنِينَ
وَالْمُؤْمِنَاتِ} .
وعن أبي الدرداء رضي الله عنه أنه سمع رسول الله صلى الله عليه وسلم
يقول: "ما من عبد مسلم يدعو لأخيه بظهر الغيب إلا قال الملك: ولك
بمثل" أخرجه مسلم
دعوتي دي بقى لكل الي في المنتدي
.
أدعو الله لكم بالبركة في الرزق وأن يرزقكم الذرية الصالحة
أسأل الله لكم الهدي والتقي والعفاف والغني
وأن يغفر لكم ذنوبكم ويثبت أقدامكم ويرزقكم خيري الدنيا والأخرة
ويفرج همومكم
اللهم حبب الينا الايمان و زينه فى قلوبنا , و كره الينا الكفر و الفسوق و العصيان , و أجعلنا من الراشدين , و أجعلنا هداة مهتدين, غير ضالين و لا مضلين
ربنا يكرمكم جميعا ويحفظكم
[ندعوك للتسجيل في المنتدى أو التعريف بنفسك لمعاينة هذه الصورة]
نبتدي الموضوع
دعوتي للي بعدي
ربنا يكرمك ويرزقك ويباركلك ويحفظك
ويرزقك الزوج / ة الصالح / ة والذرية الصالحة وراحة البال وخير الدنيا ونعيم الأخرة
ويشرح صدرك وييسر أمرك ويغفر لوالديك
ويفرج كربك
ويجعلك من المقبولين ومن ورثة جنة النعيم
اللهم آمين
آميـــــــــــــــــــــــن
آميـــــــــــــــــــــــــن
مين ياتري هيلحق الدعوة ؟؟؟!! ويفوز بيها
[ندعوك للتسجيل في المنتدى أو التعريف بنفسك لمعاينة هذه الصورة]
يالا عايزين نتسابق في الخير
وخلوا بالكوا هي مش مسابقة لأفضل دعاء
خلي الدعاء من قلبك ولو كلمتين بس
لكن نيتك إنه لأخوك أو أختك المسلمة