يوميات صيدلى مطحون

منتظرين يادكتور

طبعا بالنسبة لادارة صيدلية
وانا مبتدئ كنت متخيل العملية صعبة ومش هاقدر وازاى اظبط الطلبيات
بس لقيت ان العملية سهلة جدا بس محتاجة شوية تركيز واجتهاد
فى البداية
كل مكان بيختلف عن الاخر بالنسبة للاصناف الماشية فيه
وبالنسبة لظروف الناس المادية
وبالنسبة لمستوى الناس فيه
لازم اراعى كل الظروف دى فى البداية
قبل ما اطلب اى صنف واحدد كل شئ
تابع

متابعين معاك يادكتور
مقدمه جميله

فى بداية تكوينى للصيدلية طبعا انا اعتمدت فى المقام الرئيسى
على انى احصل على ادوية بخصومات عالية جدا عشان اقدر اكمل جميع اصناف الدواء بالمبلغ البسيط اللى كان معاى وقتها لذلك ابتديت بالتعامل مع مخازن الادوية فى البداية لانها تعطى خصومات اعلى بكتير من الشركات مش فى كل الاصناف طبعا
بس التعامل مع المخازن يكون بحذر
اختيار مخزن موثوق
مراجعة كل العلب بالشريط
تاريخ انتهاء الصلاحيات
انا من رائ ان الادوية التى تحتاج للتخرين فى التلاجة تيجى من الشركات احسن لان ده اضمن
خصوصا الانسولين
تابع

فى البداية الصيدلية دى مشروع
ولازم اكسب منه مع الاحتفاظ بالجانب الطبى والانسانى مع المرضى
لانى لو مارعيتش انى اكسب من مشروع مش هتقدر الصيدلية توقف على رجليها
ووقتها لهقدر احقق مكسب مادى ولا طبى ولا معنوى
لانى وقتها ببساطة مش هالاقى ناس تدخل على الصيدلية لان شغل الصيدلية محدود


ببساطة شديدة
احنا عندنا اربع شركات توزيع ادوية رئيسية
المتحدة للصيادلة وفارما اوفرسيز والمصرية وابن سينا
وفى شركات تانية زى مالتى فارما عشان الادوية المستوردة
وشركة ايبيكو وفاركو والعامرية والنيل وسيد شركات كتيرة بس كل ادويتها موجودة فى شركات التوزيع الاربع الاولى
فى الاول بحدد متطلباتى من الادوية

هاعمل طلبية
فى البداية بطلب مخزن الادوية اللى انا بتعامل معاه
وبطلب الاصناف اللى انا عايزها
والباقى بكمله من الشركات الاخرى
طبعا انتى بتشوفى خصومات المخزن الاول
وبتشوفى الاصناف اللى انتى شغالة عليها اكتر او بتشوفى صنف خصمة عالى فعاليته عالية للكحة وامان
مثلا جوافة شرب
خصمها عالى وامان وفعاليتها عاليه
انا اشتغل عليه منه احقق الجانب المادىواحقق الجانب الطبى فى نفس الوقت
تابعونى غدا
ان شاء الله
ويوميات صيدلى مطحون

شرح جميل جدا ومبسط يادكتور
متابعه معاك

جزاكم الله د/احمد
محتاجين نعرف الحاجات دي بالتفصيل
خاصة ان كل اللي بيتكلموا عنها بيكونوا خبرة ومش بفهم منهم اوي

يمكن فى الزمان اللى احنا فيه دلوقتى زمن محتاج للمكسب السريع فحذارى من تخزين اى دواء بكميات حتى لوانت عارف ان الدواء دا ناقص عن تجربة لان الدوا لونقص معظم الاطباء بيعزفو عن كتابته وخصوصا ان فى تظبطيات كتيير بين الاطباء واصحاب الصيدليات دلوقتى عشان يمشوا نفسه وده بيجى على اصحاب الصيدليات المحترمين اللى ما بيدخلوش فى مزايدات الاطباء على الحصول على نسبة من الصيدلية مقابل روشتاته
فيجب علينا التركيز فى الشغل بشكل الكبير والطلب من الادوية على حسب كمية الشغل اللى امامى
وليا عودة ان شاء الله

جزاك الله خير يادكتور
على نصائحك
ومتابعين معاك ان شاء الله

المشكلة يا دكتور عمر
انى حصلى كام موقف بالذات مع شركة فارما اوفرسيز اكتر من مرة يبعتولى اصناف فى اخر شهر فى انتهاء الصلاحية بتاعتها
وعشان كده انا تعاملى دايما مع المتحدة او المصرية
والمصرية الشركة الوحيدة اللى بتقولك على تاريخ انتهاء الصلاحية قبل ما تاخده لوقرب ينتهى
وحصلى موقف مع فارما بعتولى مرة علبيتين موتيفال اقراص منتهية الصلاحية من سنتين

اول ما تفتح الصيدلية ما تشترى زى ما انت عايز بس ابتدى دايما بالمخازن وحاول تجمع اكبر قدر وخصوصا من الاصناف عالية الخصم لان ده هيفرق معاك فى تكوين الصيدلية لانك هتقدر تجمع اصناف كتيير بمبلغ قليل وبالنسبة لشغل المخازن لا بتدفع كاش اول مرة حتى مع الشركات كده لانهم لازم يطمنولك فى الاول وتشغتل معاهم كام شهر عشان يثقوا فيك
بس لو ليك معاملة مع مخزن معين وعارفه ممكن يدوك الادوية وتدقع بعد شهر كاش او بشيك
وبالنسبة للشركات ممكن تدفع شيك بعد 3 شهور
بالنسبة للصيدلية والتكلفة دى حسب المكان تكلفة صيدلية فى قرية غير مدينة صغيرة غير مدينة كبيرة
بس فى الغالب لو قرية صغيرة ممكن 40000 الف مبدئيا
بس لو فى مصر ممكن توصل ل100000 الف
انا ابتديت بعشرين الف عندى لانى فاتح فى قرية وكنت مستلف ادوية من زمايل ليا بحوالى 10000 الاف

omar fouad كتب:

جزاك الله خيرا د / احمد
وشكرا على رد حضرتك

والحته التانيه هى انى لو اشتريت منهم الادويه وجيت بفرزها طلع فيها منتهى الصلاحيه لما اجى ارجع هرجعه بنفس التمن ولا هيخصمه النسبه اللى على المرتجع

وهل يا دكتور فى امكانيه استرجاع المنتهى الصلاحيه اللى اديله فتره عندى

هو انا خبرتى قليله فى الموضوع ده بس اللى اعرفه هو ان الاكسبير اللى بقاله مده بيرجع بس بخصم
وبرده لو فرزت الدواء اللى انت لسه طالبه ولقيت حاجه اكسبير او حاجه انت طلبتاها وجات غلط فى التركيز مثلا بترجعها ويجبلك بدلها الجديد او التركيز اللى انت طلبته مثلا
ومنتظرين راى د\احمد نظرا لخبرته ولو فى اى حاجه غلط فى اللى قولته ارجو التصحيح

جزاك الله خيرا
د/مروه على ردك
تمام يادكتوره
وطبعا منتظرين د/ احمد

omar fouad كتب:

جزاك الله خيرا د / احمد
وشكرا على رد حضرتك

والحته التانيه هى انى لو اشتريت منهم الادويه وجيت بفرزها طلع فيها منتهى الصلاحيه لما اجى ارجع هرجعه بنفس التمن ولا هيخصمه النسبه اللى على المرتجع

وهل يا دكتور فى امكانيه استرجاع المنتهى الصلاحيه اللى اديله فتره عندى

ربنا يكرمك يا د / احمد
تمام كده
منتظرين حضرتك تكملنا من خبرتك

شكرا يادكتور احمد على المعلومات الجديده
وجزاك الله خير
وجزانا واياك كل خير د\عمر