الصيدلى الصغير

شارك معنا وابدع


    عايز تتخلص من القلق ايام الامتحانات

    شاطر

    drmero
    مراقبة عام
    مراقبة عام

    انثى

    عدد المساهمات : 677
    تاريخ التسجيل : 01/03/2010

    GMT + 3 Hours عايز تتخلص من القلق ايام الامتحانات

    مُساهمة من طرف drmero في الأربعاء مايو 19, 2010 3:28 am

    [ندعوك للتسجيل في المنتدى أو التعريف بنفسك لمعاينة هذه الصورة]

    من مدونه جدد حياتك
    برمجه مصطفى حسان
    اقدم لكم 3 اجزاء فى هذا الموضوع يارب يفيد الطلبه
    قلق قلق قلق
    أوعوا سيبوني أنا قلقان
    ما حدش يندهلي ولا يكلمني عشان أنا قلقان

    بقوللك ايه… دي أيام امتحانات وأنا قلقان
    [ندعوك للتسجيل في المنتدى أو التعريف بنفسك لمعاينة هذه الصورة]


    كل دي عبارات بنسمعها من نفسنا أو من غيرنا أيام الامتحانات…طلبة كتير جدا بيحسوا بالقلق الشديد أيام الامتحانات


    لا شك القلق ليه أكتر من مصدر في الأيام الجميلة ديلكن أنا المرة دي هتكلم عن مصدر واحد وهو من أكبر المصادرأحب أقدم بمقدمة سريعة
    السنة اللي فاتت والحمد لله على كل حال كنت بعيد السنة…أثناء إعادة السنة دي كنت تعبان نفسيا جدا جدا جداعارفين ليه؟
    في أثناء حالتي النفسية السيئة دي جربت طرق كتير في علاج الموضوع دهوبحثت كتير في الموضوع وسألت متخصصين وكل حاجةوكنت في كل علاج أكتشفه وأطبقه أقول خلاص أنا بقيت كويسوأقعد يومين تلاتة حالتي النفسية كويسة وبعدين أرجع تاني في الحالة إياها



    [ندعوك للتسجيل في المنتدى أو التعريف بنفسك لمعاينة هذه الصورة]
    يعني انت مازلت في حالتك دي؟لأ والحمد لله
    عارفين الموضوع ده اتحل ازاي؟في أثناء الفترة دي اكتشفت إني أهملت التخطيط والخطط اللي أنا كنت عاملها..علماء التخطيط بيقولوا إن الشخص اللي عنده رسالة وخطط أقل عرضة للاهتزازات النفسية والعصبيةوده أنا لمسته بنفسي في التجربة اللي قولتلكم عليها

    فلما أعلنت عن دورة التخطيط الأولى وبدأت أعد المادة بتاعت الدورة وقفت مع نفسي شويةوبدأت أعمل الخطط من أول وجديد…خططت كل حاجة تانيوبمجرد ما انتهيت من الخطط لقيت نفسي رجعت لحالتي الطبيعية والحمد للهطبعا مش هتكلم عن التخطيط في مدونة … دي لازم تكون دورة تفاعلية أون لاينلكن المرة دي هتكلم عن حاجة تخدمنا في فترة الامتحاناتالتخطيط أو الخطط بتنقسم لتلات أنواع1- خطط بعيدة المدى … من سنتين لآخر العمر2- خطط متوسطة المدى … من شهر لسنة3- خطط قصيرة المدى … يومية وأسبوعية وكده
    صحيح ما كملتش كلاميأنا قولت بعد ما خططت من أول وجديد حالتي النفسية اتحسنت جدا والحمد للهلكن كان فيه تحدي تاعبني أويوهو إني مش عارف أعمل حاجة خالص يعني مثلا أقعد أقرأ كتاب ألاقي نفسي بتقوللي: المذاكرة… الكلية… شوف نفسكأقعد على الكمبيوتر شوية ألاقي نفسي بتقوللي: المذاكرة… الكلية… شوف نفسكأي حاجة أعملها ألاقي نفسي بتقوللي: المذاكرة… الكلية… شوف نفسكوهكذاكنت قرفان جدا الحقيقةمش عارف أعمل حاجة خالص لدرجة إني مش عارف أذاكر حتى……

    كده الموضوع شكله هيطول
    نكمل المرة الجاية أحسنما تخافوش مش هطول عليكم إن شاء الله عشان دي حاجة خاصة بالامتحانات

    drmero
    مراقبة عام
    مراقبة عام

    انثى

    عدد المساهمات : 677
    تاريخ التسجيل : 01/03/2010

    GMT + 3 Hours رد: عايز تتخلص من القلق ايام الامتحانات

    مُساهمة من طرف drmero في الأربعاء مايو 19, 2010 3:32 am

    نكمل الكلام الجزء التانى
    المهم

    قولت إني بعد ما حالتي النفسية اتحسنت والحمد لله لقيت حاجة قارفانيوهي إني مش عارف أعمل حاجةكل ما آجي أعمل حاجة ألاقي نفسي قلقان بسبب المذاكرة



    [ندعوك للتسجيل في المنتدى أو التعريف بنفسك لمعاينة هذه الصورة]

    عارفين الحالة دي عاملة زي ايه؟

    أخوك الصغير: يا محمد، تعالى اشرحلي الدرس ده عشان مش فاهمانت: حاضر يا حبيبي أخلص اللي في إيدي وأشرحلكأخوك: ماشي




    وأنت ما خلصتش اللي في إيدك

    أخوك الصغير: يا محمد، الدرسانت: قولت حاضر يا حبيبيأخوك: حاضر، لما نشوفوأنت ما خلصتش إللي في إيدك

    أخوك الصغير: يا محمد، الدررررررسسسس ، يا ماما محمد مش راضي يشرحلي الدرسانت: يوووووووه ، يابني سيبني بقى هو أنا ناقصك ، قولتلك لما أخلص اللي في ايديأخوك: مليش دعوة، لازم تشرحلي دلوقتيقومت ضربت الواد يا عيني

    قام الوالد جه


    [ندعوك للتسجيل في المنتدى أو التعريف بنفسك لمعاينة هذه الصورة]

    أخوك الصغير: يابابا ، محمد مش راضي يشرحلي الدرسبابا: أنت يا ولد يا محمد، وبعدين معاك، قوم اشرحله الدرس وإلا…..
    انت: حححاضر يا باباقومت كروتت الواد يا عيني والواد ما فهمش حاجة

    أخوك: يابابا ما فهمتش حاجةطبعا يقوم بابا ضاربك في الآخر

    بعد كده قومت اتعلمت الحاجة اللي هنتعلمها في الموضوع ده فحصل الآتي

    أخوك الصغير: محمد، اشرحلي الدرس ده عشان مش فاهمهانت: حاضر يا حبيبيأخوك الصغير: تاني؟ يا باباااااانت: لأ لأ خخخلاص خلاص، حاضر، بص .. أنا قدامي بالظبط ساعة وأخلص تعالالي بعد ساعة بالظبط وأنا أشرحلك إن شاء الله

    [ندعوك للتسجيل في المنتدى أو التعريف بنفسك لمعاينة هذه الصورة]

    وبعد ساعة وكنت انت خلصت

    أخوك الصغير: يا محمد، الدرسانت: ماشي يا حبيبي تعالى أشرحلكوقومت شرحت الدرسوطبعا بابا لما جه انبسط أوي إنك شرحت لأخوك الصغير الدرس وكان راضي عنك

    العملية كده طولت أوي … نكمل المرة الجاية إن شاء الله

    drmero
    مراقبة عام
    مراقبة عام

    انثى

    عدد المساهمات : 677
    تاريخ التسجيل : 01/03/2010

    GMT + 3 Hours رد: عايز تتخلص من القلق ايام الامتحانات

    مُساهمة من طرف drmero في الأربعاء مايو 19, 2010 3:50 am


    الجزء الثالث



    في القرن العشرين…

    واحد اكتشف نظرية عجيبة جدا…

    لما اكتشفها، عدد قليل جدا من العلماء فهموها



    النظرية دي قلبت موازين كتيرة جدا اتبنى عليها كلام كتير أوي

    أكيد واحد زي ده كان عبقري



    يا ترى مين العبقري ده؟



    [ندعوك للتسجيل في المنتدى أو التعريف بنفسك لمعاينة هذه الصورة]
    ألبرت آينشتاين كان من عبقرياته إنه كان عنده حاجة اسمها دفتر خواطر


    ايه دفتر الخواطر ده؟كان وهو شغال مثلا أو بيقرأ في حاجة كانت بتجيله خواطر ممكن تخليه يسرح زي أي واحد فيناأي واحد فينا وهو بيذاكر مثلا بتجيله خواطر تخليه يسرح

    آينشتاين كان بيعمل ايه بقى؟كان بيكتب الخواطر دي في دفتر الخواطرأولما يجيله خاطرة يقوم كاتبها وبمجرد ما يكتبها الخاطرة دي تروح من دماغهويرجع للي هو كان بيعمله، وبعد ما يخلص اللي في ايده يروح يشوف الخاطرة ديكانت عايزة منه ايه
    عارفين الخاطرة دي عاملة زي ايه؟
    زي أخوك الصغير اللي في القصة اللي فاتت بالظبط
    [ندعوك للتسجيل في المنتدى أو التعريف بنفسك لمعاينة هذه الصورة]

    الخاطرة بتقعد تزنننن تزنننننن تزننننننن في دماغكوعشان تتخلص منها لازم تسكتها

    طب تسكتها ازاي؟إنك تكتبها في الدفتر زي ما آينشتاين كان بيعمل
    ايه جاب الكلام ده في القلق؟ما هو هو ده القلقالقلق عبارة عن خاطرة بتزن في دماغك بس خاطرة سلبية تخليك ما تعرفش تعمل حاجة وتخليك مذبذبمن الآخر بتبقى قلقانأخوك الصغير لما قولتله لما أخلص اللي في ايدي عمل ايه؟راح شوية ورجع تاني عشان تشرحله الدرسوكل شوية يروح ويرجعلك عشان تشرحله الدرس وانت ما خلصتش اللي في ايدك
    طب والحل ايه؟الحل إنك تعرف هتخلص اللي في ايدك امتى وتقول له إنك هتخلص بعد ساعة مثلا بحيث تكون خلصت وتفضاله



    [ندعوك للتسجيل في المنتدى أو التعريف بنفسك لمعاينة هذه الصورة]
    وايه جاب الكلام ده في الامتحانات؟شوف يا سيدي

    المطلوب منك إنك تجيب ورقة وقلم، وتكتب الحاجات اللي باقيالك في المنهجوتشوف كل حاجة هتاخد منك وقت قد ايه تقريباوبعدين تحطها في جدول وتشوف هتعمل ايه على مدار الأيام اللي باقية بالتفصيل لكل يوم من الأيام

    وبكدة تكون عاملت القلق نفس معاملة أخوك الصغير بالظبط
    [ندعوك للتسجيل في المنتدى أو التعريف بنفسك لمعاينة هذه الصورة]
    وبكده هتلاقي نفسك مرتاح جدا جداببساطة لما حاجة من المذاكرة تقلقك هتقول لها: تعاليلي في معادك يا شاطرةوطبعاعشان الموضوع ده يتنفذ بالطريقة السليمة وتكون مرتاح نفسيا لازم تكونبتنفذ اللي في الجدول اللي انت عامله وإلا الحاجات دي هترجع تزن في دماغكتاني
    طب وبعدين؟

    ياترى بابا هيضرب محمد تاني؟





    لأ خلاص خلصنا كدة

    [ندعوك للتسجيل في المنتدى أو التعريف بنفسك لمعاينة هذه الصورة]

    omar fouad
    مشرف
    مشرف

    ذكر

    عدد المساهمات : 55
    تاريخ التسجيل : 13/03/2010
    العمر : 27

    GMT + 3 Hours رد: عايز تتخلص من القلق ايام الامتحانات

    مُساهمة من طرف omar fouad في الجمعة مايو 21, 2010 1:47 am

    ايه الحاجات الجامده دى يا دكتوره مروه
    جميل جدا
    والله يا دكتوره انا لسه النهارده وانا بذاكر عمال حاجات راحه جايه فى دماغى مش عارف اركز منها خالص قلت اكتبها ولما ارجع ابقى اشوفها بس طبعا كنت مزنوق فمكتبتش حاجه ولما رجعت ما افتكرتش منها حاجه حاجات غريبه المهم تخلينى ما اذكرش
    بس حلوه خالص ويارب بابا ما يضربش محمد تانى
    ويسترها معانا
    جزاكى الله كل خير

    بس المشكله عندى انى ببقى متفائل اوى وانا بحط الجدول اللى هذاكر بيه ولما اجى انفذه ممكن اطير ربعه فاحبط مره تانيه وممكن اخد نص اليوم التانى انى بس اخلص الربع الباقى ده فمش عارف اعمل ايه فى موضوع التخطيط ده
    شكرا لمجهود حضرتك معانا

    drmero
    مراقبة عام
    مراقبة عام

    انثى

    عدد المساهمات : 677
    تاريخ التسجيل : 01/03/2010

    GMT + 3 Hours رد: عايز تتخلص من القلق ايام الامتحانات

    مُساهمة من طرف drmero في الجمعة مايو 21, 2010 2:32 am

    omar fouad كتب:ايه الحاجات الجامده دى يا دكتوره مروه
    جميل جدا
    والله يا دكتوره انا لسه النهارده وانا بذاكر عمال حاجات راحه جايه فى دماغى مش عارف اركز منها خالص قلت اكتبها ولما ارجع ابقى اشوفها بس طبعا كنت مزنوق فمكتبتش حاجه ولما رجعت ما افتكرتش منها حاجه حاجات غريبه المهم تخلينى ما اذكرش
    بس حلوه خالص ويارب بابا ما يضربش محمد تانى
    ويسترها معانا
    جزاكى الله كل خير

    بس المشكله عندى انى ببقى متفائل اوى وانا بحط الجدول اللى هذاكر بيه ولما اجى انفذه ممكن اطير ربعه فاحبط مره تانيه وممكن اخد نص اليوم التانى انى بس اخلص الربع الباقى ده فمش عارف اعمل ايه فى موضوع التخطيط ده
    شكرا لمجهود حضرتك معانا
    الله يخليك يادكتور عمر
    الحمدالله انه عاجبك
    وخلى بالك من محمد ويارب مايتضربش خالص
    وفعلا انا كنت برده ايام المذاكره بتجيلى افكار كتيره وعايزه اعمل حاجات كتيره
    غير المذاكره طبعا يعنى بافكر هاعمل ايه فى الاجازه
    يظهر ده بيبقى هروب عشان احنا مضغوطين فى المذاكره
    وبالنسبه للاحباط ده برده كان بيحصل
    بس علشان تتغلب على الاحباط ده
    حاول ان انت تضع جدول مايكونش مليان قوى
    بحيث تقدر تخلصه
    وده يعطيك تفاؤل ويخليك عايز تنجز حاجات اكتر
    وشكرا على مرورك ومشاركتك ويارب الموضوع يفيد كل الطلبه

      الوقت/التاريخ الآن هو الأحد ديسمبر 11, 2016 1:59 pm