الصيدلى الصغير

شارك معنا وابدع


    لكل اللي عاوز يفتح معمل تحاليل طبية؟ - يدخل هنا

    شاطر

    دكتور احمد طه
    مدير المنتدى
    مدير المنتدى

    ذكر

    عدد المساهمات : 1454
    تاريخ التسجيل : 25/02/2010
    العمر : 35
    الموقع الموقع : مصر ام الدنيا

    منقول لكل اللي عاوز يفتح معمل تحاليل طبية؟ - يدخل هنا

    مُساهمة من طرف دكتور احمد طه في الجمعة مارس 26, 2010 5:47 pm


    سأتولى بإذن الله شرح خطوات
    مزاولة المهنة وعمل الدبلومات .. إلخ لانه قد أثير لغط كبير حول الموضوع
    وأثمرت الأقاويل عن تخرصات عشوائية وتكهنات لا طائل منها..


    بس لازم أقول حاجة مهمة جدا جدا
    وأسأل سؤال مهم :

    س / هل من حقي أن أفتح معمل ؟ وأكتب عليه اسمي ؟ وابقى دكتور
    تحاليل؟



    هذا يقودنا إلى سؤال سؤال هام
    جدا : يعني قانونا هل المعمل ده من حقي ؟


    * القانون المصري لسنة 54 لم
    يفرق في ممارسة مهنة التحاليل الطبية بين الكيميائي والصيدلي والطبيب ..
    إلخ بل هذا الحق يتساوى فيه جميع الخريجيين طالما قد استوفوا شهادات التخصص
    المطلوبة، واعتبره القانون المصري حق مكتسب ومشروع للجميع واعتبر مهنة
    التحاليل الطبية مهنة منفصلة عن باقي التخصصات الطبية الأخرى.


    * هذا القانون معمول به في كثير
    من الدول العربية مثل تونس – سوريا وجميع دول العالم الأول مثل : أمريكا –
    كندا – فرنسا – ألمانيا – بريطانيا .. إلخ

    * إن أقدر وأكفأ من يتعامل مع أجهزة التحليل
    الكيميائي كالأسبكتروفوتوميتر أو الفصل الكروموتوجرافي أو التحضير
    الكيميائي للعينات الكيميائية أو الإلمام بالتقنيات الكيميائية في التحليل
    الكيميائي أو العضوي مثل التحليل التربيديمتري أو الكلاريمتري أو
    الجرافيميتري هم الكيميائيون والبيطريون والصيادلة بحكم طبيعة الدراسة .


    * المسألة تتلخص في تحليل عينة فقط فالجميع
    من أطباء أوغيرهم - رسميا - غير مطالبين : لا بتشخيص سريري – ولا بربط
    النتائج – ولا بكتابة علاج - أو تفسير نتيجة !!!


    حتى سحب بعض العينات قد يخرج عن نطاق تخصصك!! مثل
    عينات الدم للمولودين حديثا (تعرض على أخصائي الأطفال) – عينات فحص الأورام
    ( أخصائي الباثولوجي) – عينات البذل النخاعي (التخدير أو الحميات)


    * للأسف يروج بعض الأطباء في
    أحقيتهم وإلغاء أحقية الباقيين في ممارسة المهنة ويضعون العراقيل ويحاربون
    بشتى السبل من أجل ضع قصور على الباقيين في ممارسة المهنة، ويضغطون على
    وزير الصحة من أجل رفض إعطاء الترخيص والتحايل على القانون (الصريح)، ولي
    عنق الحقائق ، واتباع مبدأ "بروكر استيز" الذي كان يقطع أرجل ضيوفه لتناسب
    طول السرير الذي سينامون عليه !!! ويتفنون في وضع العراقيل لمنعنا من
    ممارسة المهنة مثل إجبارنا على رفع القضية وخلافه ؟؟؟ وكتابة عبارات في
    الصحف بغرض الإثارة : " تضافروا لقصر المهنة على الأطباء" أو من يكتب : "
    فوضى التحاليل الطبية"

    سؤال فرعي / ما هي آخر صيحة في وضع القصور
    للمزاولة؟

    (1) التصريح يكون بالماسترية لا بالدبلوم
    (2) العمل في المستشفى مدة 3 سنوات
    (3) ضرورة كتابة التخصص الحقيقي : صيدلي / بيطري /
    كيميائي .. إلخ على لافتة المعمل و على التقرير، كما تكتب بجواره :
    "الكيمياء الحيوية الصيدلية" أو "الميكروبيولجيا البيطرية".. إلخ

    (4) إجبارك على ممارسة التحاليل التي قد تخصصت فيها
    ، وهذه قصة طويييييييييييييلة جدا




    لكن هذه القصور غير معمول بها
    الآن ولله الحمد ، بل يريدون تنفيذها !!


    * لقد خسرت نقابة الأطباء
    القضية المرفوعة ضدنا لمزاولة المهنة وأمام مجلس الشعب قوبل طلبهم بالرفض
    عام 94 بعد أن أستماتوا في تقديمه ومازالوا، هنا أعيد الحق لأصحابه ، لكن
    هناك من يعبثون بشد ذيل القط النائم من آن لآخر ، والذين يريدون الحصول على
    شعرة من شنب الغول الأسود وهو غافي !!

    * الخلاصة .. التحاليل الطبية
    لا تعتمد على التشخيص السريري .. أنك - في المعمل - تتعامل مع عينة لا مع
    مريض ، وأنك الأكفأ والأجدر مقارنة بما هو مطلوب ، أنت تشخص فقط تشخيصا
    طبيا معمليا لا سريريا ولا تعتمد على الحالة الإكلينيكية في التحليل ،
    لكنها تؤخذ في الإعتبار ، وأكرر تؤخذ في الإعتبار.

    إن ممارسة التحاليل الطبية حقك ..


    حقك ..


    حقك !!


    * في دول العالم الأول يتساوى الصيادلة مع
    الكيميائيين مع الأطباء مع البيطريين في الحصول على المناصب ، ومعروف أن
    رئيس الإتحاد الدولي للتحاليل الطبية صيدلي ويتناوب على رئاسة المنصب
    بيطريين وأطباء وكيميائيين وصيادلة.كما يتولى إدارة بعض معامل البرج
    المصرية أوالعربية بجانب الأطباء .. صيادلة وكيميائيين أيضا.


    * وجدير بالذكر - ومعلومة لمن لا يعلم - أن من أبرز
    مؤسسي بعض أقسام التحاليل الباثولوجيا الإكلينيكية بكليات الطب العريقة هم
    أساتذه صيادلة وبيطريين وكيميائيين في علوم الميكروبيولجي والبيوكمستري
    !!!


    حاشية : أنا لا أتحامل على الأطباء .. حاشا
    !!! فكثير منهم الزميل والقريب والصديق والأخ والأب (والله)، وأنا مؤمن
    بدورهم الفعال في المجتمع تمام الإيمان ، ومتيقن من عظم وتفعيل دور الطبيب
    في النهوض بمستوى الطب وأنه ملقى على عاتقه يمكن أكثر من 90% من مجمل
    الخدمات الطبية التي تقدم للمجتمع والأبحاث والوعي الصحي .. إلخ ، وده لو
    كان موضوع تعبير كنت كتبت 6 ورقات فلوسكاب وش وضهر !!! وإن كنت قد جرحت
    مشاعر أو آذيت أي من أخوتي الأطباء فأنا على اتم أستعداد أن أقدم له
    اعتذاراً فقط لمجرد أن يبدي سبباً ، وحقيقي ..
    حينما يتعلق الأمر بحق شرعي ورسمي وقانو
    ني فمن كل المشروعية أن أدفع عنه وأطالب به ... ارجو من الجميع مشاركتي الرأي
    وإبداء ملاحظتهم بالتواصل الإلكتروني معي ..



    ركزوا معايا يا جماعة .. وفنجلوا عنيكوا و
    طرطقوا ودانكوا

    عشان أنت كصيدلي تفتح معمل بإسمك لازم تعمل الخطوات الآتية:


    (1) أن تحصل على أحد أو جميع شهادات الدبلوم في
    الآتي :



    + دبلوم الميكروبيولجي العامة أو التطبيقية أو
    الإكلينيكية أو الماسترية (ماجستير) في نفس التخصص برضه أو على :


    + دبلوم البكتيريولوجيا العامة
    أو الإكلينيكية أو على:

    + دبلوم الكيمياء الحيوية
    التحليلية أو الإكلينيكية أو الماسترية فيها

    (2) ح تاخد من النقابة درجة : أخصائي
    تحاليل طبية

    ثم تأخذ التصريح من وزارة الصحة ويستغرق أشهر حسب
    دورك و العدد .. إلخ
    بس ح يكتبولك في التصريح عبار ": مع
    عدم التشخيص الطبي المعملي
    " يعني المعمل ح تبقى أنت مديره لكن
    مش صاحبه ؟؟؟ هههههههه

    ، ولن يسمح لك بوضع لافتة عليه ؟؟؟؟
    ههههههههه

    ولن يسمح لك بكتابة اسمك على التقرير ؟؟؟؟ هههههههه
    ولن يسمح لك بأن تمضي على نتائج التحليل ؟؟؟؟
    ههههههههه

    إذن فبهذا التصريح ح تبقى كوكتيل ومزيج فريد
    من دكتور التحاليل وفني المعمل
    !! [ندعوك للتسجيل في المنتدى أو التعريف بنفسك لمعاينة هذه الصورة]


    (3) ح ترفع قضية وتقعد حوالي سنة ب 1000 ألف جنية
    بس عند
    محامي مشهور (تفاصيل الموضوع
    عندي .. ولما الوضوع يطق ف دماغ أي عضو يبقى
    يكلمني)

    وح تكسبها .. ح تكسبها .. ومضمونة 100% (لأن ده حقك
    كصيدلي) .. المهم بعد
    لما تكسبها ح
    تبقى دكتور تحاليل فعلا .. وهنايسقط الفرق (عمليا) بينك وبين
    الطبيب
    الأخصائي
    !!

    ++
    ملاحظة لا معنى لها ولابد منها

    !! :
    الفرق الرسمي (واخد بالك من الرسمي دي؟) بينك وبين
    الطبيب أنك لو خدت الدبلومتين الميكرو + البيو ح يبقى في سحب

    العينات فقط .. يعني لازم ح تجيب ورقة من دكتور طبيب أنه المسئول عن السحب
    في المعمل بتاعك ،
    وأنت اللي ح تسحب العينات برضه.. يعني
    عمليا مفيش فرق
    !!! وإحقاقا للحق ..
    ان هذا هو الفرق الرسمي الوحيد بين الطبيب وغيره في ممارسة المهنة


    + أسئلة ع السريع
    باختصار (مجاب عنها
    ) :
    س 1 : إيه لزوم القضية طالما إن الموضوع من حقي
    وكده كده ح أكسبها ؟؟؟؟؟؟؟؟؟؟؟؟

    ج 1 / إحنا في مصر !

    س 2 : لأ بجد .. عاوز أعرف إيه لزومها؟

    ج 2 / عشان يخوفك ويوهمك إن دي
    حاجة مش بتاعتك فتقوم جاي مطنش وتقول لنفسك في سذاجة: طالما أنه مش مسموح
    لي تبقى مش بتاعتي؟؟؟؟؟ في حين أنه حقك ودي لعبة "الحق يغتصب" .. نقطة
    تانية هي نوع من أنواع كوابح السيارات والفرامل عشان متكترش المعامل زي
    الأجزاخانات [ندعوك للتسجيل في المنتدى أو التعريف بنفسك لمعاينة هذه الصورة]! ويبقى بين كل معمل
    ومعمل مختبر !!

    س3: إيه أفضل وأسرع شهادة لفتح المعمل
    (يعني م الآخر .. عاوز أنجز )؟؟؟؟؟

    ج 3 / دبلوم ميكروبيولجي أو بيوكمستري وأنا بفضل
    الأخير ومدته سنه بس لكني أنصحك بال 2
    .

    س 4 : الليلة دي ح تكلف كام؟
    ج 4 / الدبلوما تمنها تبع المكان (متوسط كله 2000 +
    1000 القضية)


    س 5 : طيب أخدها من أي جامعة أو من أي كلية ؟
    س 5 : صراحة .. اشهر ناس شغالين في الحكاية دي
    كليات العلوم
    ..
    عندك في صيدلة : المنصورة - الزقازيق - الإسماعيلية
    - عين شمس (بيخرجوا أعداد قليلة

    عندك في علوم : اسكندرية (أشهر دبلومة تحاليل في
    الجمهورية
    وبتخرج كل سنة 700 أخصائي)
    - شبين الكوم
    ( بدأت تشتهر برضه بتخرج حوالي 700 ) - الإسماعيلية (
    بتخرج حوالي 1000 أخصائي

    عندك بيطري : مشتهر / اللي جنب
    بنها ( تنافس الأسكندرية وبتخرج حوالي 1000
    أخصائي على ما اسمع ) -
    المنصورة (مبتعديش ال 50 في أي كلية) بس (علوم بكتيريا
    ممكن تعدي ال
    80)

    والموضوع ده فيه تفاصيييل تانية كتيرة وممكن
    أجاوب بالتفصييييييييييييييل الممل للي عايز


    س 6 : طيب إيه أرخصهم وأسهلهم؟ ويديلي الشهادة ع
    السربع ؟؟

    ج 6 / * احذر هؤلاء : المنصورة (معقدين أوي ) - عين
    شمس (ناشفة؟)

    * تحاشى هؤلاء : مشتهر لاناللي بيدخل ما بيطلعش إلا فيما ندر - شبين (مهرها غالي
    2500 ) - طنطا
    ( !بيقولوا صعبة ومش عاطفية

    * ارشح لك دول : الزقازيق و الإسماعيلية (باشا !!) -
    اسكندرية (شغالة ومانجه) – شبين (مووووووووووز / بس غالية) - بنها ( وأنت
    واقف!!!)


    س 7 : طيب لو أنا (بالي طويل) وعاوز أبقى كفاءة
    في التحاليل وافتح جنب معمل البرج؟
    !!!!
    ج 7 / دبلوم ميكرو + ماستر أو دكتوراه في البيو (
    أو العكس لكني أفضل كده)


    س 8 : طب و الليلة دي ح تستهلكني في كام سنة؟؟؟؟
    ج 8 / لو أنت بيدعولك في البيت كويس ح تقعد من 8 -9
    سنين
    [ندعوك للتسجيل في المنتدى أو التعريف بنفسك لمعاينة هذه الصورة]


    س 9 :( للمحترفين
    فقط)
    : طيب لو أنا عاوز آخد جايزة نوبل في
    التحاليل أو كأس العالم ؟
    !!!!!!!!
    ج 9 / دبلوم ميكرو + دبلوم بيو + دكتوراه في
    المناعة

    ملاحظة : اعرف دكتور معاه كل دول .. واعرف دكتور تاني معاه دكتوراه الفلسفة في الميكرو +
    دكتوراه البيوكمستري وكاتب على المعمل :" معمل الدكاتره فلان الفلاني " وع
    التقرير كاتب :" الدكتور الدكتور" - فعلا بتاعة شهادات !!


    س 10: ممكن أعرف إيه حكاية المناعة دي بقى؟؟
    ج 10 / معهد البحوث الطبية / اسكندرية بيدي ماسترية
    للصيادلة في المناعة لكن بيطلب تقدير وبياخد بالعدد (بيطلبوا 2 من صيدلة
    بس ) يعني الموضوع ممكن يفرقع منك – وبيطلب برضه 2 أطباء – و6 كيميائيين ..
    تحيز؟

    أو عندك معهد بحوث الهندسة الورائية / السادات وده
    بياخد كله .. ورخيييييص 400 في السنة ومفيش تمهيدي ماجستير .. يعني رسالة
    على طول + كورسات / سنتين وده بيدي دبلوم أو ماسترية أو دكتوراه أو دكتوراه
    الفلسفة في المناعة الجزيئية


    س 11 / مين تاني ممكن يفتح معمل ؟
    الزراعيين – الكيميائيين – الصيادلة - البيطريين
    – الأطباء

    وجميعهم لابد لممارسة المهنة من الحصول على دبلوم
    أو الماسترية أو الدكتوراه في التحاليل

    وجميعهم يأخذ درجة : " أخصائي تحليل طبية"



    س 12 : فيه ملاحظات تانية ؟

    ج 12/ لأ .. بس
    اللي عاوز يسأل أي سؤال أنا في الخدمة



    ختاما
    : تقبلوا فائق التحايا واعطرها وأزكاها .. دمتم في ود !!







    omar fouad
    مشرف
    مشرف

    ذكر

    عدد المساهمات : 55
    تاريخ التسجيل : 13/03/2010
    العمر : 27

    منقول رد: لكل اللي عاوز يفتح معمل تحاليل طبية؟ - يدخل هنا

    مُساهمة من طرف omar fouad في الإثنين أبريل 19, 2010 7:17 am

    موضوع جميل د / احمد
    ومعلومات مفيده بس هل الصيدلى تتناسب معاه المهنه دى يعنى انا شايف انه مشروع تجارى وليس باكثر يعنى فنى المعمل يعرف يعمل ده كله ومفهاش الذكاء او بذل نوع من التفكير لتطوير العمل

    انا عارف انى حضرتك ممكن تقولى ما شغلانه الصيدلى ممكن يقوم بيها اى حد زى اللى بيحصل دلوقت .. اقول حضرتك صحيح بس الكلام ده فى حدود معينه واحنا ممكن نطورها وفى مجال للتفكير وممكن اوصل لمراحل جامده فى مجال الصيدله
    فى جميع الاحوال انا دخلت صيدله بمحض ارادتى و بكامل قوايه العقليه لكنى الان لست راضيا عنها بالمره لما حدث فى هذه المهنه من مهازل وارى نفسى كخريج دبلوم 3 سنين اهم حاجه هى انى اعرف اقرا انجليزى
    سامحنى يا دكتور احمد لكن خلى حضرتك معايا ب 75% بس اقدر ادخل صيدله .... جامعه النهضه بنى سويف
    وجامعه العاشر من رمضان
    فى المنيا خريج كليه الزراعه - البيطرى - العلوم يدفع 10 الاف فى السنه ويدخل صيدله واكلينيكال كمان .
    حسبى الله ونعم الوكيل فى دى نقابه

    معلهش ياد / احمد صدعت حضرتك


    س 6 : طيب إيه أرخصهم وأسهلهم؟ ويديلي الشهادة ع
    السربع ؟؟
    ج 6 / * احذر هؤلاء : المنصورة (معقدين أوي ) - عين
    شمس (ناشفة؟)
    * تحاشى هؤلاء : مشتهر لاناللي بيدخل ما بيطلعش إلا فيما ندر - شبين (مهرها غالي
    2500 ) - طنطا( !بيقولوا صعبة ومش عاطفية
    * ارشح لك دول : الزقازيق و الإسماعيلية (باشا !!) -
    اسكندرية (شغالة ومانجه) – شبين (مووووووووووز / بس غالية) - بنها ( وأنت
    واقف!!!)
    بس ايه الروشنه فى الشرح دى ههههههه

    جزاك الله خيرا د / احمد على الموضوع الجميل ده

    دكتور احمد طه
    مدير المنتدى
    مدير المنتدى

    ذكر

    عدد المساهمات : 1454
    تاريخ التسجيل : 25/02/2010
    العمر : 35
    الموقع الموقع : مصر ام الدنيا

    منقول رد: لكل اللي عاوز يفتح معمل تحاليل طبية؟ - يدخل هنا

    مُساهمة من طرف دكتور احمد طه في الثلاثاء أبريل 20, 2010 4:58 am

    والله يا دكتور عمر انا يمكن معاك فى جزئية ان كتيير من الصيادلة الخريجين فعلا ميعرفوش من الكلية غير الانجليزى
    وكمان ممكن يكونو ضعاف فيه لازم الصيدلى يطور ويعلم نفسه بعد الكلية والا هيبقى مش دكتور ولا اى حاجة
    هيبقى انسان على الهامش مالوش دور
    بس انا باختلف معاك فى جزئية ا ن المعمل مش هيفدنا فى حاجة لا احنا اجدر ناس بادارة المعامل من علوم وطب بيطرى وبشرى ومش معقول كل من هب ودب هيدخل فى شغلنا زى اللى بيحصل فى شركات الدواء دلوقتى لازم نحافظ على حقوقنا وندور عليها وخصوصا اننا تمكنا من شغلنا سواء فى ادارة المعامل وشركات الدواء هيعلى بالمنظومة الصحية وهيخليها احسن وهيقلل من الاخطاءالكتيير اللى بتحصل دلوقتى فى المعامل والمهازل بتاع التحاليل دلوقتى وعدم ثقة اى انسان فى التحاليل وبيطر يعمل التحليل اكتر من مرة

    وفى جزئية تانية الصيدلة مهنة عظيمة وانا باحبها جدا بس المشكلة فى التعليم دلوقتى والمنظومة الصحية مش لازم نقعد مكتوفى الايدى ونقول خلاص مهنتنا مش كويسة لازم نجتهد ونعلم ونتعلم ونقول ممكن يخرج منا واحد يحقق اللى احنا بنرمى اليه
    ومنتظرين صلاح الاحوال ان شاء الله
    انت فى المقام الاول اجتهد فى شغلك وخليك طموح لازم تنظر باستمرار لتعلم الجديد واى حاجة حط راسك فيها مش هتخسر حاجة حتى لوغلط هتتعلم اكتر لان دايما الانسان بيتعلم من الغلط
    ومعلش طولت عليك





    [ندعوك للتسجيل في المنتدى أو التعريف بنفسك لمعاينة هذه الصورة]
    [ندعوك للتسجيل في المنتدى أو التعريف بنفسك لمعاينة هذه الصورة]

    [ندعوك للتسجيل في المنتدى أو التعريف بنفسك لمعاينة هذه الصورة]

    omar fouad
    مشرف
    مشرف

    ذكر

    عدد المساهمات : 55
    تاريخ التسجيل : 13/03/2010
    العمر : 27

    منقول رد: لكل اللي عاوز يفتح معمل تحاليل طبية؟ - يدخل هنا

    مُساهمة من طرف omar fouad في الأربعاء أبريل 21, 2010 6:33 am

    شكرا يا د / احمد على ردك
    والله يا د/ احمد لو حضرتك بصيت فى المشاركه السابقه ليه هتلاقى انى انا قايل انى داخلها على اقتناع تام وانا اللى مختارها بس المشكله هى انى اى حد دلوقت يقدر يدخل صيدله .
    ادخل حضرتك القرى مفيش صيدليه فيها صيدلى كلهم اسيستنت
    المدينه بس اللى فيها دكاتره
    المريض بقا يدخل الصيدليه اول كلمه بيقولها هى انا عايز اللى مكتوب مش عايز حاجه غيره
    وبعد ما ياخده يبص فيه للدرجادى مفيش ثقه .
    انا بتكلم حضرتك على نقطه انى النقابه سايبه العمليه عايمه معاك فلوس ادفع وادخلك صيدله
    معاك فلوس افتح صيدليه وشغل اللى انت عايزه فيها
    وهو ده اللى قلل ثقه المريض فى الصيدلى وبقا اللى رايح واللى جاى يقول علينا بقالين
    لكن ده مش هيمنع اننا نتعلم ونجتهد ونفيد ونستفيد وان شاء الله نكون من احسن الصيادله مش هقول فى مصر ان شاء الله فى العالم
    انا اللى اسف انى طولت على حضرتك .

    دكتور احمد طه
    مدير المنتدى
    مدير المنتدى

    ذكر

    عدد المساهمات : 1454
    تاريخ التسجيل : 25/02/2010
    العمر : 35
    الموقع الموقع : مصر ام الدنيا

    منقول رد: لكل اللي عاوز يفتح معمل تحاليل طبية؟ - يدخل هنا

    مُساهمة من طرف دكتور احمد طه في الخميس أبريل 22, 2010 6:29 am

    على فكرة يا دكتور عمر المشكلة مش فى النقابة بس المشكلة فى الصيادلة نفسهم اللى بيبيعوا نفسهم واسمهم
    لناس كل همهم التجارة وبس هى دى المشكلة ناس بستغل ضعف المقابل المادى والحالة المادية للصيدلى وبتغريه بالفلوس بس لو كل صيدلى تمسك باسمه انا بعتبره تمسك بشرفه
    حاجات كتييير هتتغيير مش هيبقى فيه السباق الرهيب لفتح صيدلية ومحاربة كل صيدلى لاخوه عشان يفتح صيدلية تانية وتالته
    لان وقتها عدد الصيدليات هيبقى قليل لانه هيقتصر على الصيادلة بس مش هيبقى فيه دخلاء على المهنة وبالتالى اسعار الساعة بالنسبة للصيدلى الخريج هتبقى كويسة جدا وهتلاقى معظم الصيدليات فيها صيادلة ومش هتقتصر على المساعدين
    انت عارف انا فاتح صيدليتى فى قرية ومتواجد دائما فى الصيدلية كل الصيدليات اللى حواليا مفيهاش صيدلى واحد ومعظمها لا يمتلكها صيادلة بس الناس ثقتها فيا كبيرة جدا وده عامل فارق كبيير انت تشتغل الاول باجتهاد وهتلاقى المردود
    وخصوصا ان معظم المساعدين هتلاقيهم دايما بيغلطو ا وده بيخلى الناس تفقد الثقة بيهم وهتلاقى كلهم بيجولك فى الاخر
    ونقول فى الاخر ان ده رزق ربنا سبحانه وتعالى ومفيش حد هياخد اكتر من رزقة
    ومتقلش تانى طولت عليا احنا اخوات واسال واستفسر زى ما انت عايز





    [ندعوك للتسجيل في المنتدى أو التعريف بنفسك لمعاينة هذه الصورة]
    [ندعوك للتسجيل في المنتدى أو التعريف بنفسك لمعاينة هذه الصورة]

    [ندعوك للتسجيل في المنتدى أو التعريف بنفسك لمعاينة هذه الصورة]

    omar fouad
    مشرف
    مشرف

    ذكر

    عدد المساهمات : 55
    تاريخ التسجيل : 13/03/2010
    العمر : 27

    منقول رد: لكل اللي عاوز يفتح معمل تحاليل طبية؟ - يدخل هنا

    مُساهمة من طرف omar fouad في الخميس أبريل 22, 2010 10:32 pm

    السلام عليكم
    شكرا د / احمد على ردك
    ومتقلش تانى طولت عليا احنا اخوات واسال واستفسر زى ما انت عايز
    ربنا يكرمك يا دكتور اكيد طبعا اخوات واكتر
    الصيادله هى دى الحته التانيه اللى متعبه اللى بتخلى الواحد بيضايق عمليه بيع اسمى دى علشان 500 جنيه بجد ملهاش لزمه علشان واحد ملوش علاقه بصيدله ممكن يبيع جوه حتى ولو ........
    المهم اكيد انى احنا لازم نركز اكتر ونجتهد علشان نوصل لاعلى المستويات اللى هتفرق بينا وبين المساعد او بينا وبين الصيدلى اللى باع القضيه

    ياريت يا د/ احمد من خبرتك كده ازاى نقدر نتعرف على كل الادويه الموجوده ونعرف المواد الفعاله اللى فيها بسرعه بحيث او اكتسب الخبره بس فى وقت اسرع
    (ايه الحاجات اللى حضرتك شايفها ممكن تتعمل تعلمنا بس فى فتره قصيره)
    وجزاك الله خيرا

    دكتور احمد طه
    مدير المنتدى
    مدير المنتدى

    ذكر

    عدد المساهمات : 1454
    تاريخ التسجيل : 25/02/2010
    العمر : 35
    الموقع الموقع : مصر ام الدنيا

    منقول رد: لكل اللي عاوز يفتح معمل تحاليل طبية؟ - يدخل هنا

    مُساهمة من طرف دكتور احمد طه في الثلاثاء أبريل 27, 2010 4:41 pm

    والله يا دكتور عمر معرفة كل الادوية ده بيرتكز على شغلك وشغلك فى الصيدلية والمعاملة مع الناس
    وانت حاول دايما طو ل ما انت قاعد فى الصيدلية انك تلف باستمرار على الادوية عشان تحفظ شكلها لان ده عامل كبير انك متنساش اى دواء وخصوصا ان الابتعاد عن الادوية حتى لو لفترة قريبة بينسيك حاجات كتيير انا اول ما اتعلمت كانت اهم حاجة بدور عليها انى مفيش دوا معرفش اسمه التجارى ومستغربوش لو حد سالنى عليه وبعد كده بدات اركز على المواد الفعالة واصنفها وعلى الرغم من كده مع ظروف الشغل وان الواحد بيشتغل فى اكثر من مكان وكل مكان بيختلف عن التانى فى الادوية فى ادوية كتيير بتنسى المواد الفعالة بتاعتها بس مع الخبر ة والشغل بتتعلم اكتر وبتعرف اكتر واحتكاك مع الناس بيعلمك وبيسبتلك المعلومة انت ممكن تتعلم من الناس حاجات كتييير جدا فى الادوية تكون انت عافل عنها لان المريض احيانا بيمسك الروشتة ويقراء كل حاجة فيها ممكن يكون فى حتة صغير ة انت مش واخد بالك منها هتعرفها منه وهكذا لازم تقرا وطور نفسك باستمرار عشان متبقاش صيدلى على الهامش وربنا يوفقنا يا د كتور عمر





    [ندعوك للتسجيل في المنتدى أو التعريف بنفسك لمعاينة هذه الصورة]
    [ندعوك للتسجيل في المنتدى أو التعريف بنفسك لمعاينة هذه الصورة]

    [ندعوك للتسجيل في المنتدى أو التعريف بنفسك لمعاينة هذه الصورة]

      الوقت/التاريخ الآن هو الأحد ديسمبر 11, 2016 1:58 pm